Рускиот претседател Владимир Путин синоќа присуствуваше на православната божиќна богослужба во Московската област. На службата тој беше во друштво на ветерани од воената операција во Украина и членови на нивните семејства.
Во исто време, поглаварот на Руската православна црква служеше посебна божиќна литургија во храмот „Христос Спасителот“ во Москва.
Руската православна црква, која е најголемата православна деноминација во светот, го слави Божиќ на 7 јануари. Причината е користењето на јулијанскиот календар, кој заостанува 13 дена зад грегоријанскиот календар што го следат католичките и протестантските цркви.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.