ВМРО-ДПМНЕ и денеска категорично ги отфрли тврдењата на СДСМ дека во Македонија се подготвуваат аранжмани за прифаќање мигранти. Од партијата велат дека опозицијата „секојдневно ја бомбардира јавноста со исти невистини“.
Од владејачката партија реагираат дека СДСМ повторува обвинувања кои веќе биле демантирани од ВМРО-ДПМНЕ и од премиерот Христијан Мицкоски.
Во партиското соопштение се нагласува дека ставот на владината коалиција е недвосмислен: „Мигранти во Македонија нема да има.“.
Од ВМРО-ДПМНЕ предупредуваат дека СДСМ свесно шири дезинформации за да добие медиумско внимание пред клучни политички процеси.
Т.Д.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.