За денеска во Основниот кривичен суд иако беше најавено, се одложи новото рочиште за случајот со прегазувањето на 68 годишниот пензионер Југослав Николовски во паркот на Франкофонијата од страна на 25-годишниот мотоциклист Фатон Љури. Причини се немањето спровод и полициска асистенција.
Случајот привлекува големо внимание во јавноста поради околностите под кои се случи несреќата и признавањето на вината од страна на обвинетиот кој на претходните рочишта призна вина за прегазувањето, но не и за тоа дека не му укажал помош.
Според обвинителниот акт, тој управувал мотор без возачка дозвола, по патека наменета за пешаци и со небезбедна брзина од 35 km/h, поради што не успеал да запре и го удрил пешакот, кој се здобил со тешки повреди. Повреден во овој случај беше и сопатникот на мотоциклистот.