Претседателката Гордана Сиљановска-Давкова смета дека треба да се разгледа можноста за ограничување на мандатот на градоначалниците на две години. Според неа, долгиот мандат и широките ингеренции можат да доведат до прекумерна партизација на локалната власт.
– Ако има ограничувања во парламентарните системи кај претседателите со церемонијални функции, тогаш кај нас, каде што градоначалниците имаат силни ингеренции, треба да се размисли за сличен принцип – вели Сиљановска-Давкова за 360 степени.
Таа посочи дека поради ваквиот систем, кој го оцени како „квази претседателски“, често министри и пратеници одлучуваат да се кандидираат за градоначалнички функции, што според неа укажува на потребата од реформа во локалната самоуправа.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.