Во вториот круг од денешните локални избори не е потребен изборен цензус за да се избере градоначалник. Победник е кандидатот кој ќе освои најмногу гласови, без оглед на излезноста на гласачите. Доколку и денес не биде избран градоначалник во некоја општина, Владата, согласно Изборниот законик, ќе назначи повереник кој ќе ги извршува надлежностите на градоначалникот. Државната изборна комисија има рок од 15 дена по завршувањето на изборите да ја извести Владата. Откако ќе го добие известувањето, Владата во рок од 15 дена треба да го именува повереникот и за тоа да го извести претседателот на Собранието, кој потоа треба да распише нови избори за градоначалник.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.