Министерството за внатрешни работи МВР соопшти дека за време на вчерашниот ден кој беше резервиран за изборен молк се случиле неколку прекршувања.
Заклучно со 7:00 часот утрово односно до отворањето на избирачките места, регистрирани се 10 пријави за нарушување на изборниот молк од кои по три на подрачје на СВР Скопје и СВР Охрид, две на подрачје на СВР Штип и по една на подрачје на СВР Тетово и СВР Битола. По преземени мерки не се потврдени пријавите за шест настани, информираат од МВР
- „Покрај ова, регистрирани се 19 објави на социјалните мрежи за време на изборниот молк кои се однесуваат на повик за гласање за одредени кандидати, како и објавени видеа и слики од партиски активности во штабови. Во врска со вчерашното гласање регистриран е настан за фотографирање кочан со гласачките ливчиња во основното училиште „26 Јули“ во општина Шуто Оризари, при што е приведено едно лице и се преземаат мерки за расчистување на настанот“ ,велат од МВР.
Од таму додаваат и дека на сите подрачја гласањето на болни и изнемоштени лица и затвореници кое траеше во текот на вчерашниот ден помина без нарушување на гласањето
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.