Претседателката на Европската комисија, Урсула фон дер Лајен, му ветила на американскиот претседател Доналд Трамп дека Европската унија ќе го забрза прекинот на купувањето руска нафта и гас. Во објава на платформата „Х“, Фон дер Лајен соопшти дека во телефонски разговор со Трамп договориле зајакнување на санкциите против Русија, а Европската комисија наскоро ќе го претстави 19-тиот пакет мерки. Новите санкции ќе се фокусираат на криптовалутите, банките и енергетскиот сектор. „Воената економија на Русија, поддржана од приходите од фосилни горива, го финансира крвопролевањето во Украина. За да се стави крај на ова, ќе предложиме со забрзано укинување на увозот на руски фосилни горива“, напиша Фон дер Лајен. ЕУ веќе драстично го намали увозот на руска нафта – од 29% во 2021 година на 2% во 2025 година. Целосен прекин е предвиден до 2027 година, но Брисел сега сака да ја оствари целта и порано.
