Израелските одбранбени сили објавија видео за кое тврдат дека ја прикажува тековната воена операција на периферијата на населбата Шеик Радван во Газа Сити, која според израелската армија е едно од последните упоришта на Хамас.
Во соопштението од ИДФ се информира дека нивните сили „елиминираат терористи и демонтираат воена инфраструктура и подземни тунели“ што биле користени од вооружени групи во појасот Газа.
Армијата наведува дека во понеделникот три терористи погодиле тенк кој обезбедувал движење на израелските сили, при што загинале четворица војници.
Израелската војска во вторникот ги предупреди жителите на Газа Сити да ја напуштат областа, укажувајќи на намерата да преземе целосна контрола врз градот, кој го смета за последното значајно упориште на Хамас.
Илјадници цивили остануваат заробени во градот во услови на сериозна хуманитарна криза и недостиг од храна.
Меѓувреме, продолжуваат политичките тензии, откако Израел најави целен удар кон лидерите на Хамас во Катар, каде што мировните преговори се заглавени.
Ова е прво официјално предупредување за целосна евакуација на Газа Сити од почетокот на офанзивата.