Репортерите на „Асошиејтед Прес“ јавуваат дека утрово е виден облак од чад како се издига од покривот на зградата на кабинетот на министри во Киев, но не било веднаш јасно дали чадот е резултат на директен удар или остатоци, што би означило ескалација на воздушните напади на Русија.
Русија досега избегнуваше таргетирање на владини згради во центарот на Киев.
Зградата е дом на украинскиот кабинет, во кој се сместени канцелариите на нејзините министри.
Полицијата го блокирала пристапот до зградата додека пристигнувале противпожарни возила и амбулантни возила.
Украинските власти соопштија дека две лица загинале, а 15 се повредени во нападот.
„За прв пат, владината зграда беше оштетена од непријателски напад, вклучувајќи го покривот и горните катови“, рече премиерката на Украина, Јулија Свириденко. „Ќе ги обновиме зградите, но изгубените животи не можат да се вратат“.