Американскиот претседател Доналд Трамп изјави дека постои „25% шанса“ самитот со рускиот претседател Владимир Путин, кој ќе се одржи во петок во Алјаска, да не биде успешен.
Трамп истакна дека доколку средбата помине добро, планира телефонски разговор со украинскиот претседател Володимир Зеленски за договор околу можна втора средба.
Меѓувреме, од Кремљ соопштија дека двајцата лидери ќе одржат разговори во четири очи, а Путин ги пофали „искрените напори“ на Трамп за завршување на конфликтот во Украина.
Белата куќа информираше дека американскиот претседател ќе ги искористи сите можности за ставање крај на војната.
На терен, Русија соопшти дека Украина извршила дронски напади врз Волгоград и Белгород, додека Киев јавува за четворица загинати во руските напади врз Харков.
Британскиот премиер Киер Стармер, по средбата со Зеленски, порача дека Путин мора да покаже дека е „сериозен за мир“.