Снимките од видео надзорот на границата кон Косово ги анализира обвинител од обвинителството за гонење организиран криминал. Дали веке се назира патеката по која косовецот Блерим Рамадани избегал од куќниот притвор или за сега нема докази како ја минал границата, државниот обвинител Љупчо Коцевски за Телма вели дека за сега не може да открива детали но очекува предистрагата да заврши во краток рок.
Во врска со обвинувањата од опозициската СДСМ дека поранешниот припадник на ОВК два пати ја минувал границата со помош на полициски структури и вработени во институциите Коцевски вели дека ги проверуваат не само тие два датума туку подолг временски период но и други апсекти на беството.
За постпаката за екстрадиција, Коцевски смета дека Рамадани не можел да ја повлече согласноста за екстрадиција по скратена постапка која ја дал првично во судот. Државниот обвинител Коцевски за Телма вели дека во неговата карирера не сретнал случај за екстрадиционен притвор да биде определен кукен притвор.
Кривичен ја одби екстрадицијата а Врховен суд го укина ова решение затоа што судијата не дал образложение зошто прифатил постапката за екстрадиција на Рамадани која почнала како скратена да продолжи да се води како редовна. Сега предметот за екстрадицијата на Рамадани повторно е на одлука пред Кривичен. Но според Коцевски постпаката треба да прекине затоа што Рамадани е избеган.
Телма минатата недела објави и дека членот на Судкси совет Александар Камбовски поднел барање за поведување на постапка за нестручно и несовесно вршење на судијата Пајази Пајазити.
Елена Ивановска Мукоска