Од попладнево сите граѓани ќе може да добијат сервисни услуги на сите свои барања и потреби во подрачените единици на Фондот за здравство (ФЗО) и ниту еден нема да биде вратен, како што беше сликата овие три дена. Синдикатот го стави штрајкот во мирување, откако Владата попушти и на вчерашната седница одлучи да препорача да нема намалување на платите за 21 отсто во однос на исплатената декемвриска, а тоа го потврди Управниот одбор.
Платата на вработените во Фондот останува иста, односно вредноста на бодот од 77 денари нема да се менува до 31 мај годинава.
Очекувањата на Синдикатот се дека и по 31 мај и ребалансот на Буџетот нема да има промена во висината на платите. Од УПОЗ се заблагодарија на разбирањето на граѓаните за време на тридневниот штрајк.
Диркеторката на Фондот потврди дека вработените со засилено темпо работат на сервисирање на редовните обврски кон граѓаните и здравствените установи поради тридневниот застој.
Штрајкот во Фондот почна во понеделникот. Голем број на граѓани не може да добијат услуги како осигурување, потписи, печати или електронска потврда во системот за да може да се спроведе операција или крупен медицински зафат и процедура, бидејќи вработените работеа само на осигурување на деца и хоспитализирани лица и упатување на лекување во странство.
Огнен Чанчаревиќ