Во незагреани простории на минусни температури механичари, бравари, кранисти, вработени во халите за одржување на возовите веќе подолго време ги извршуваат своите работни обврски.
Од вчера започнаа протест со барање менаџментот да им обезбеди основни услови за работа.
Се жалат и дека иако им биле ветени нови вработувања, бидејќи старосната граница на овие лица е околу 60 години, сепак ништо од тоа не е остварено.
Не знаат кога да го очекуваат вториот дел од декемвриската плата бидејќи примањата им се исплаќале во делови.
Обвинуваат и дека раководството врз нив секојдневно врши притисоци.
„Се врпи притисок врз нас да се вратиме на работа, дојдоа во 15 часот за да направат контрола дали сме на своите работни места и ни направија алкотест. Ова не е првпат да ни прават ваква тортура. Ни ветуваа нови вработувања, кои за жал , не се остварија. Исплатата на платата е неизвесна“, изјави за Телма Ѓоко Илиевски, претставник на врабтените во Македонски Железници.