Во пожар во стан во зграда на ул. „Пандил Шишков“ во Скопје утрово животот го загуби Г.Б. (76).
Како што соопштија од МВР, околу 6:40 часот во СВР Скопје е добиена пријава за пожар во стан во зграда на ул. „Пандил Шишков“ во Општина Аеродром.
„Бригадата за противпожарна заштита го изгасна пожарот, а во станот е пронајден починат Г.Б. (76). Се преземаат мерки за расчистување на случајот“, стои во соопштението.
Претходно, од ЦУК информираа дека екипи на Бригадата за противпожарна заштита на Град Скопје веднаш излегле на терен и го изгаснале пожарот без да се прошири на соседните станови.
Во гаснењето на пожарот интервенирале 15 пожарникари со шест ПП возила.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.