Со појавата на последната Омикрон варијанта, бројот на хоспитализации значително опадна, но голем број пациенти ги чувствуваат последици од коронавирусот.
Првиот човек на Институтот за имунологија вели дека пандемијата е пред крај, но мора да останеме одговорни.
Кардиолошките или невролошките последици кои се најчести, траат со месеци, а може и со години, во најлош случај трајни.
Околу 500 лица секојдневно се на кардиолошки преглед, со симптоми на замор, краток здив, болки во градите. Меѓу нив најбројни се постарите, жените и невакцинираните.
Невролозите велат дека поради тоа што ковидот го атакува мозокот, тоа влијае врз сите функции на органите, па затоа кај луѓето кои прележале ковид има нарушена свест, слаба меморија, па и носење на погрешни одлуки.
Коронавирусот ги напаѓаше долните дишни патишта и секојдневно ги полнеше болниците, одзеде многу човечки жртви.
По појавата на Омикрон варијантата ситуацијата се смири и сега пациентите се со инфекции само на горните дишни патишта.
Тамара Марковска