Франција, Германија, Италија, Обединетото Кралство и Соединетите американски држави изразија денеска големо разочарување заради одлуката на Косовската влада да го отфрли нивниот, како што велат, конструктивен предлог кој требаше да им овозможи на Србите од Косово да гласаат на изборите во Србија.
Според претставниците на овие 5 земји, со оваа своја одлука владата на Косово не успеала да демонстрира почитување на принципот за заштита на граѓанските и политичките права на сите свои граѓани, вклучувајќи ги и припадниците на малцинските групи.
Ваквото однесување на Косовската влада ќе ги загрози нејзините Европски аспирации, оценуваат земјите од ткн „Квинта“.
„Од Косово се очекува да се придржува до суштинските вредности и да покаже одговорност кон регионалната стабилност и да ги почитува демократските процеци, како и да биде посветено на зашититата на правата на припадниците на малцинските групи“ – се вели во заедничката реакција на 5-те држави.
