Вести Свет

Шолц и Ердоган на средба во Анкара

Германскиот канцелар Олаф Шолц денеска престојува во посета на Турција во неговото прво официјално патување во таа земја по преземањето на функцијата во декември минатата година.

Тој во Анкара ќе разговара со турскиот претседател Реџеп Тајип Ердоган, по што ќе се одржи заедничка прес-конференција.

Во соопштението на турското претседателство се наведува дека двајцата лидери ќе разговараат за руско-украинската војна, односите Турција-ЕУ и за билатералните односи.

Турција, која е членка на НАТО, има блиски односи и со Русија и со Украина, а минатата недела беше домаќин на средбата на министрите за надворешни работи на двете земји, чии разговори не дадоа резултати, но дипломатските напори продолжуваат.

Германија и Турција имаат значителни трговски односи, додека околу три милиони луѓе со турско потекло живеат во Германија, што тесно ги поврзува двете земји.

Односите меѓу државите, сепак, беа на тест со ситуацијата со човековите права во Турција, вклучително и затворањето на германските новинари и активисти, како и нападите на Ердоган врз европските лидери.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Зеленски: Рустем Умеров ќе ја предводи украинската делегација во преговорите со Русија

Дејан Дејан

Трамп: Нема напредок во преговорите додека не се состанам со Путин

Дејан Дејан

Оставката на Таравари доставена во сандачето на премиерот – позициите на Алијанса остануваат кај Вреди, потврди Меџити

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе