Владата донесе 26 мерки за олеснување на економската криза и ценовниот шок тешки 400 милиони евра. ДДВ-то за лебот, шеќерот, брашното тип 400, зејтинот, трајното млеко, свежото месо, оризот и јајцата од 5 проценти ќе се намали на 0 проценти, а остнаува и замрзната маржата за основните производи освен за овошјето и зеленчукот.
Ќе се намали и ДДВ-то за струјата, топлинската енергија, и за горивата, како и акцизите за горивата. Но и двете мерки ќе стапат на сила откако ќе бидат усвоени во Собранието.
Меѓу мерките на владата за олеснување на ценовниот шок на граѓаните се најдоа и вредносни ваучери од по 1.000 денари за купување на основни продукти три месеци за 35.000 граѓани и за пензионерите.
Сет мерки се донесени и за помош на стопанстовото во вид на како кредитни линии и субвенции.
Премиерот Димитар Ковачевски, презентирајќи го пакетот мерки кој го нарече најголем по Втората светска војна, рече дека буџетот е ликвиден и стабилен и може да ги финансира мерките, а има и доволно стокови резерви, но повика на штедење и без непотребните трошоци на институциите, локалните самоуправи и јавните претпријатија.