Британскиот министер за транспорт Грант Шапс рече дека Обединетото Кралство „ненамерно нема да направи ништо што би можело да ја ескалира војната во Украина на начин кој би бил неприфатлив за целиот свет“.
Шапс изјави за Скај њуз дека сите членки на НАТО „соработуваат заедно“ за ситуацијата во Украина, додавајќи дека западната воена алијанса е „одбранбена организација што значи дека нема директно да биде вклучена во војната“.
Испраќање борбени авиони
Министерот рече дека најавениот заем на борбени авиони најверојатно нема да се оствари, но дека Обединетото Кралство продолжува да „обезбедува огромна поддршка“ на Украина.
Битанскиот министер за одбрана Бен Валас вчера изјави дека ќе ја поддржи одлуката на Полска за испорака на борбени авиони МиГ-29 на Украина, но дека тоа може да ги доведе Полјаците на директна линија на оган од Русија. Се очекува Валас денеска да ги информира пратениците за поддршката на Обединетото Кралство за украинските сили.
Шапс потврди и дека се доделени околу 760 визи за украинските бегалци, што им овозможува да дојдат во Обединетото Кралство и дека се обработуваат уште 22.000 барања.