Украинските разузнавачки претставници сугерираат дека „Белорусија покажува подготвеност за директно вклучување во руската инвазија“, изјави претставник на украинската влада за Си-Ен-Ен.
Белорусија, поточно нејзиниот претседател Александар Лукашенко, веќе им дозволи на Русите да ја користат белоруската територија за испраќање руски сили од неа во Украина.
САД: И Белорусија се подготвува за инвазија
Друг извор близок до украинската влада изјави за Си-Ен-Ен дека, заедно со информациите од украинското разузнавање, администрацијата на Бајден му кажала и на Киев дека Белорусија се подготвува за инвазија. „Вашингтон пост“ објави, повикувајќи се на изјава на претставници на администрацијата на Бајден, дека Белорусија се подготвува да испрати војници во Украина.
Оваа информација е објавена во време кога во близина на белоруската граница треба да се водат преговори меѓу Русија и Украина.