Американскиот Стејт департмент понудата на рускиот претседател Владимир Путин да започнат преговори на високо ниво во Минск ја отфрли како „нереална дипломатија.“ Зборувајќи со новинарите во Вашингтон, портпаролот на Стејт департментот Нед Прајс изјави дека дипломатијата не може да се одвива пред вперено оружје.
САД сметаат дека нема шанси за дипломатија додека се води воена агресија, се лансираат ракети, има тенкови на улиците и се убива, изјави Прајс.
Укажа на скептицизам во однос на денешната порака на Москва за преговори со украинското раководство.
Ако претседателот Путин е сериозен за преговори, треба да запре веднаш со агресијата, да ја деескалира ситуацијата и да ја врати назад војската, изјави Прајс на денешниот брифинг за новинарите.
Рече дека не е прашање местото каде би се одржале такви преговори, туку условите во кои тие се побарани.
Украинскиот претседател Володомир Зеленски го прифати повикот но побара евентуални преговори да се одржат во Варшава, а не во Минск како што бараат од Кремљ.
