Конечно е постигнат договор за одржување на дуелот меѓу Тајсон Фјури и Дилијан Вајт. Двајцата боксери во рингот ќе се соочат на 23 април во Лондон.
По долги преговори кои се интензивираа во текот на викендот, Вајт во последните часови пред истекот на рокот за договор ги прифати условите за мечот против Фјури што ќе се одржи на стадионот Вембли.
Според последните информации актуелниот WBC првак за настап ќе инкасира 30 милиони долари додека Вајт ќе заработи 7 и пол милиони што е рекорд во неговата кариера.
За Фјури ова ќе биде 34-ти меч, а до овој момент тој ума 32 победи и еден нерешен резултат додека Вајт во 30 меча забележал два порази.
Победникот од овој дуел кон крајот на годината ќе се соочи со поуспешниот од реванш мечот меѓу Александер Усик и Ентони Џошуа кој би требало да се одржи во мај.