Австрискиот министер за внатрешни работи Герхард Карнер покани повеќе од 20 претставници на влади од ЕУ и од Западен Балкан во Виена на конференција за „репатријација на мигранти“.
Целта на дводневната конференција, која почнува денеска, е да се создадат сојузи за враќање на мигрантите кои имаат мали шанси за азил пред да стигнат до Централна Европа.
Минатата година во Австрија беа поднесени околу 40.000 барања за азил, што е над нивото од пред мигрантската криза во 2014 година.
Во Виена ќе пристигнат германскиот и францускиот министер за внатрешни работи, грчкиот министер за миграција, како и претставници на владите на Бугарија, Унгарија, Хрватска и Босна и Херцеговина.
Идејата на Карнер е дека мигрантите, кои немаат шанси да добијат азил врз основа на нивното потекло, ќе бидат вратени директно од Балканот.