Лидија е убиена во последните кадри на претходната 8-ма епизода. А двајца главни протагонисти во мачка-глувче играта на правдата се нејзини најблиски луѓе.
„Тајкун“-от Владан ќе се обиде да дознае кој ја уби неговата жена од доверба-Лидија и тоа на нејзиниот роденден. Уште една негова десна рака е вмешана во убиството, додека мистериозниот убиец е присутен на последното злосторство во „Тајкун“.
Братот на Лидија, инспекторот Никола е на расчекор меѓу тагата по загубената сестра и омразата која се раѓа во него против „тајкун“-от, којшто секогаш е во близина на убиствата кои ги истражува.
Разрешената обвинителка Јована ќе се сретне со тајкунот Симоновиќ, за да му каже што знае и да го предупреди дека тој е следниот. Новоназначениот обвинител Мишиќ ќе се сретне со доушникот од Сигма, со Ксенија која што се уште ја дели постелата со Владан, а истовремено работи за обвинителството против него.
Балша (извонредниот Марко Бачовиќ) е најголемата енигма за сите околу него. Се знае со мистериозниот убиец, се распрашува за помладиот Симоновиќ, коваше планови со Вера пред да ја убие, а со себе веќе има 7% од моќната компанија Сигма. Секогаш на страната на Владан, но се почесто преминува на спротивната, своја страна.
Уште две епизоди од Тајкун. Деветата епизода е во понеделник во 22:10 на Телма (14.02.2022.).