Генералниот директор на Светската здравствена организација (СЗО) Тедрос Аданом Гебрејесус објави дека во 77 држави во светот биле пријавени случаи со новата варијанта на корона вирусот Омикрон.
„Се шири со брзина каква што досега не сме виделе во ниедна мутација. Дури и ако Омикрон предизвикува помалку сериозна болест, голем број случаи може повторно да ги доведат неподготвените здравствени системи во тешка позиција“, изјави Тедрос.
Наведувајќи дека вакцината нема да им помогне на земјите сами да излезат од кризата, Гебрејесус ја истакна важноста на социјалната дистанца, носењето маски и хигиената.
Генералниот директор на СЗО вели дека сè уште постои голема нееднаквост во стапките на вакцинација против Ковид-19 меѓу земјите за што рече дека 41 земја сè уште не успеале да вакцинираат 10 отсто од своето население, 98 земји не достигнале 40 отсто.
„Исто така, гледаме значителни нееднаквости меѓу населението групи во иста земја. Ако ставиме крај на нееднаквоста, ќе ставиме крај на пандемијата“, истакна Тедрос.