Најмалку 53 лица загинаа, а десетици други се повредени откако камион со кој се превезувале мигранти се превртел во државата Чиапас, во јужниот дел на Мексико. Во приколката имало над сто мигранти кои кога се случила несреќата се набиле и починале или од ударот или од задушување.
Сликите од местото на несреќата покажуваат жртви расфрлани низ патот покрај превртениот камион. Телата на луѓето се наредени и покриени со бели чаршави. Тоа е една од најтешките несреќи од ваков вид во Мексико, со најмалку 58 повредени, од кои некои потешко. Меѓу жртвите има мажи, жени и деца. Нивната националност не е потврдена, но локалните власти соопштија дека повеќето од луѓето во камионот биле од Хондурас и Гватемала.
Камионот наводно возел со голема брзина кога се превртел на остра кривина и удрил во пешачки мост на главниот пат што води до главниот град на државата Чиапас, која граничи со Гватамала, е главна транзитна точка за мигрантите без документи. Американско-мексиканската граница е една од најсмртоносните и опасни премини во светот според податоците од Меѓународната Организација за Миграција. Само оваа година над 700 луѓе починале во обид да ја преминат границата. Сепак, сиромаштијата и насилствата во земјите од централна Америка ги тера луѓето да појдат по оваа смртоносна патека.
За денешната несреќа, преживеаните сведочат дека камионот бил преполн и не можел да ја одржи рамнотежата на острата кривина.