Хрватската полиција во Ровињ уапси турист од странство кој тајно ги снимал голите деца на нудистичка плажа во ова летувалиште.
Полицијата соопшти дека е уапсен 42-годишен словачки државјанин по пријава на гости на нудистички камп кои го забележале странецот како чудно се однесува со децата и постојано го вперува својот часовник кон малите жртви.
Во часовникот на фотографијата, полицијата нашла докази за кривично дело „искористување на деца за порнографија“. Часовникот содржел интегрирана камера. По испитувањето и одземање на предметите, осомничениот турист-педофил е притворен.
Хрватски Индекс објави дека Словакот ги снимал и децата на тобоган на кој заедно се спуштал со нив. Кога обезбедувачот на кампот сакал да ја провери пријавата од гостите, 42-годишниот маж се обидел да бега, по што била повикана полиција и го уапсила. По приведувањето пред два дена, Словакот ги лажел полицајците дека е Унгарец но биле пронајдени неговите лични документи во шаторот каде бил сместен.
