Свет Топ вести

Бајден и израелскиот претседател Ривлин ќе разговараат за Иран

Американскиот претседател Џо Бајден денеска во Белата куќа ќе се сретне со израелскиот претседател Рувин Ривлин, со кого ќе разминат мислења за американските напори повторно да се приклучат кон иранскиот нуклеарен договор и околу формирањето на новата израелска Влада.

Средбата ќе се одржи само неколку недели откако Нафтали Бенет ја презеде функцијата израелски премиер, на местото на Бенјамин Нетанјаху. Американските власти договараат состанок меѓу Бајден и Бенет што треба да се одржи за неколку недели.

Средбата на Бајден со Ривлин ќе се одржи бидејќи се зголемуваат загриженоста во израелските и арапските престолнини поради напорите на САД да се приклучат кон иранскиот нуклеарен договор, стравувајќи дека обновениот договор на крајот ќе му овозможи на Техеран да се здобие со нуклеарно оружје и на тој начин да ги изложи на иранска воена закана.

Бавно напредуваат обидите на САД да го заживеат иранскиот нуклеарен договор, откако поранешниот американски претседател Доналд Трамп унилатерално го напушти во 2018 година, бидејќи Техеран инсистира Вашингтон претходно да ги укине сите економски санкции кон нив.

Извор запознат со состанокот Бајден-Ривлин изјави дека очекува Бајден да му соопшти на израелскиот претседател дека САД и Израел имаат иста цел, а тоа е да не се дозволи Иран да произведува нуклеарно оружје и дека Бајден ќе нагласи дека САД го поддржуваат израелското право на самоодбрана.

Двајцата лидери треба да разговараат и за 11-дневната војна на Израел со Газа. САД ветија дека ќе го снабдуваат израелскиот систем за одбрана „Железна купола“, што беше користен во конфликтот.

Ривлин на 7 јули ќе замине од функцијата по седумгодишниот мандат, а на негово место Кнесетот го избра Исак Херцог, па поради тоа посетата на САД за Ривлин е последна како претседател.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Во напад во Газа убиени осум деца и две жени кои во ред чекале за храна – Израел се правда дека таргетирале припадник на Хамас

Дејан Дејан

Невработени му пишувале на Стојанче Ангелов на Фејсбук за да помагаат околу пожарите за 20.000 денари

Дејан Дејан

По укажувањата на УНЕСКО Мицкоски најави дека Министерството за транспорт ќе ангажира фирма која ќе ги урива дивоградбите во Охрид

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе