Владата прифатила средба со Коморите на која ќе се расправа за Одлуката за зголемување на еколошката такса. Од најголемата комора Стопанската Комора на Северна Македонија за Телма велат дека очекуваат средбата да се одржи во текот на наредната недела.
„Имајќи предвид дека енергенсите се неизбежна ставка во работењето на компаниите, сосема е јасно дека зголемувањето на еколошка такса од 3,5 денари, ќе ги зголеми трошоците на работењето и со тоа ќе ја намали ценовната конкурентност на домашните производи. Заради тоа цениме и побаравме од Владата да се отвори расправа со Коморите за ова прашање, што е и прифатено. Очекуваме во текот на следната недела на заедничка средба да се отвори расправа по Одлуката за зголемувањето на еколошка такса.“- велат од Комората.