Британскиот премиер, Борис Џонсон потврди попладнево дека укинувањето на сите рестрикции во Англија се одложува за временски период од 4 недели и нема да се случи на 21-ви Јуни како што беше претходно најавено.
Според новиот план, укинувањето на рестриктивните мерки ќе се спроведе на 12-ти Јули.
Тоа значи дека ограничувањето на бројот на посетители на спортските настани, во кино-салите и пабовите ќе остане на сила додека ноќните клубови и натаму ќе бидат затворени.
Одложувањето на долго очекуваното укинување на рестрикциите се прави со цел да се овозможи имунизирањето на поголем број луѓе со првата и втора доза од вакцините, но и да се спречи ширењето на таканаречената Делта варијанта на корона вирусот, првично детектирана во Индија.
“Затоа сме толку загрижени од Делта варијантата, кој се шири побргу и од третиот бран кој се предвидуваше во планот од Февруари. Гледаме дека бројот на случаите се зголемува околу 64% неделно и во најтешко погодените области, двојно се зголемува секоја недела. Просечниот број на луѓе кои се хоспитализираат во Англија се зголемува 50 % секоја недела и до 61% во северо-западните региони, што може да биде предупредување за тоа што доаѓа, затоа што веќе ја знаеме безмилосната логика на ескпоненцијалниот пораст” – предупреди Џонсон.