50 тина работнички од штипската конфекција „Алкон-текст“ на протестот си ги побараа неисплатените плати. Речиси два месеци се на принуден одмор, имаше и работнички кои треба да заминат во пенизија за неколку месеци, бремени и млади. Порачаа дека не ги потпишуваат документите за да бидат префрлени во друга фирма.
Од објектот излезе претставник на конфекцијата, пред која се протестираше, со забелешка дека работничките и новинарите биле ненајавени и неинформирани оти фирмата Алкон текст од април не е закупец на овој простор.
Синдикатите и „Гласен Текстилец“ повикаа институциите да го проверат случајот со префрлање на капиталот од една во друга фирма.
Работничките до крајот на неделата ќе протестираат пред фабриката, а од понеделник ќе одлучат што друго ќе преземат.
Викторија Јованова