Група граѓани денеска се собраа на протест против воведувањето на еврото пред зградата на Бугарската народна банка (БНБ) во Софија. Организатор на собирот, кој е уредно пријавен во Градската општина, е здружението „Дојран 2025“.
Демонстрантите носеа транспаренти со пораки: „Не за еврото“, „Време е да те слушнат, не за еврото“, „Што ќе ни е еврото, ако ја изгубиме Бугарија“, како и барања за „Директна демократија со референдуми“, поддршка за левот и врски со Русија.
Сообраќајот во реонот не е прекинат и се одвива непречено, а на местото на настанот е забележливо засилено полициско присуство, јави БТА.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.