Плати и К-15 за администрацијата ќе има без разлика дали налозите ќе стигнат по 15 декември, уверува премиерот Христијан Мицкоски. Тој вели дека Трезорот за буџетски плаќања нема да биде затворен утре, туку дека на институциите им е наложено да ги поднесат сите налози за плаќање за да има време да се обработат до Нова година. Сепак, најави дека ако некој задоцни ќе може да се направат исклучоци.
„Не реков јас дека ќе се затвори трезорот, туку го поставивме 15 декември како дата кога сите институции е добро да ги достават сите оние тековни потреби, расходи и сите оние средства коишто треба да се пренесат до доверителите. Се разбира додадов дека ќе имаме толеранција и сега ако некој дојде на 20 декември готово, клучот на врата, завршена е работата. Се разбира дека толеранција ќе има, но идејата е да работиме со план. Затоа јас ги молам сите институции, еве не велам на 15 е готово и сега на 25 декември ако дојде некој со налог дека нема тоа да се прифати и ќе се одбие, но навремено да ги испланираме активностите за да не ни се случи сите да нагрнеме во 5 до 12 и некои од обврските останат неплатени, односно ги книжиме во следната година“, вели премиерот Мицкоски.