Бројот на луѓе во Јапонија кои се во сериозна здравствена состојба откако се заразени со коронавирусот достигна 1.131 и е најголем во земјата од почетокот на пандемијата, јави новинската агенција Кјодо.
Последниот ваков антирекорд беше поставен во средата – 1.114 сериозно болни пациенти. Оваа група вклучува луѓе кои имаат потреба од интензивна нега, како и интубирани пациенти со Ковид-19.
Вкупниот број на заразени лица во Јапонија досега надмина 622.000, а повеќе од 10.600 починаа.
Поради забрзаното ширење на коронавирусот во земјата, владата прогласи вонредна состојба во Токио, како и во западните префектури Осака, Кјото и Хјого од 25 април до 11 мај. Се очекува вонредната состојба да биде продолжена до 31 мај.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.