Американскиот претседател Доналд Трамп вчера изјави дека федералните работници би можеле да бидат отпуштени, а проектите би можеле да бидат намалени ако продолжи блокадата на владата, а исто така објави дека почнуваат да пристигнуваат приходи од царини, од кои Американците би можеле да добијат поврат на средства.
-Може да има отпуштања, а тоа е нивна вина, рече Трамп, осврнувајќи се на демократите во Конгресот, коментирајќи го неодамнешниот меморандум од Канцеларијата за управување и буџет до телевизиската мрежа ОАН во кое се споменува можноста за отпуштања. „Можеби ќе ги скратуваме проектите што тие ги сакаа, нивните омилени проекти, кои би биле трајно намалени“, рече тој, додавајќи дека му е „дозволено да скрати работи што никогаш не требало да бидат одобрени, и веројатно ќе го направи тоа“.
Федералната влада делумно се затвори завчера откако Конгресот не успеа да постигне договор за финансирање, а само основните услуги беа дозволени да продолжат. Трамп рече дека приходите од новите царини штотуку почнуваат да пристигнуваат, но на крајот би можеле да достигнат трилион долари годишно. Тој вели дека дел од парите ќе помогнат да се намали националниот долг, за кој рече дека би можел да достигне 38 трилиони долари.