Претседателот на Левица, Димитар Апасиев, најави дека партијата ќе се обрати до Европскиот суд за човекови права во Стразбур, доколку македонските судови не реагираат на, како што вели, политичката дискриминација врз Левица.
Правниот тим на партијата веќе поднел предлог за изрекување привремена мерка против Агенцијата за аудио и аудиовизуелни медиумски услуги (АВМУ) и Државната изборна комисија (ДИК), до Основниот граѓански суд во Скопје.
„На потег се домашните судови. Ако останат слепи и глуви на овој скандал, продолжуваме во Стразбур“, порача Апасиев преку социјалните мрежи.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.