Полските безбедносни служби неутрализираа беспилотно летало кое леташе над владината зграда на улицата Парк и над палатата Белведер, официјалната резиденција на претседателот на Полска.
За инцидентот синоќа извести полскиот премиер Доналд Туск. Двајца државјани на Белорусија се уапсени и полицијата го истражува случајот.
Инцидентот се случи во период на зголемена безбедносна готовност во Полска, откако минатата недела руските дронови ја нарушија полската воздушна зона.
Областа околу улицата Парк е забранета зона за летање на беспилотни летала без дозвола, а прекршувањето се казнува со затвор до пет години.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.