Повеќе од половина пролетна зелка се уште не е продадена, а цената за откуп почна да се намалува. Струмичките производители велат дека се на работ на одржливоста со цена од 20 денари за килограм. Оваа сезона зелката почна да се откупува по околу 30 денари за килограм, за разлика од минатите години кога достигнуваше и 50 денари.
Трговците се согласни дека цената не е задоволителна. Толку успеале да постигнат на странските пазари каде во моментов има побарувачка, но зелката се бара по ниска цена.
Пролетната зелка и лани слабо се продаваше, а големи количини останаа и во нивите.
Сузана Мицева
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.