Претседателот на Украина, Володимир Зеленски, по повод Денот на украинското знаме (23 август), порача дека земјата нема да препушти ниту дел од својата територија. Тој нагласи дека знамето на Украина е симбол на надеж за граѓаните во привремено окупираните територии.
„Ова знаме е чувство на спасување за луѓето кои ги враќаме од руско заробеништво. Кога ги гледаат украинските бои, знаат дека злото поминало. Ова знаме е цел и сон за многу наши луѓе под привремена окупација. Го чуваат, бидејќи знаат дека нема да ја подариме нашата земја на окупаторот“, порача Зеленски на свеченоста.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.