Трупи од Националната гарда се појавија на улиците на Вашингтон, откако претседателот Доналд Трамп нареди нивна распоредба и презеде контрола врз локалната полиција, тврдејќи дека насилниот криминал во главниот град е „вон контрола“.
Околу 800 припадници на гардата и 500 федерални агенти се очекува да бидат распоредени. На улиците веќе се забележани оклопни возила и барикади околу владини згради и туристички локации.
Градоначалничката на Вашингтон, Мјуриел Баузер, го нарече потегот „авторитарен притисок“ и повика на политичка мобилизација против ваквите постапки. Таа рече дека нема докази за вонредна криминална состојба, како што тврди Трамп.
Mеѓувреме, Белата куќа соопшти дека во понеделникот биле уапсени 23 лица поради различни прекршоци, од убиства до трговија со дрога. Според ФБИ, агенти на федералната полиција биле вклучени во половина од апсењата.
Иако локалната полиција и федералните власти велат дека имаат заедничка цел – намалување на криминалот – критичарите стравуваат од нарушување на автономијата на градот.