Премиерот на Израел, Бенјамин Нетанјаху, ја брани одлуката на неговата влада за целосно преземање на Газа Сити, оценувајќи ја како „најдобар начин да се заврши војната“.
Во својот настап, Нетанјаху не покажа подготвеност за компромис, ниту прецизираше кога би започнала новата операцијa.
Во исто време, за време на итен состанок на Советот за безбедност на ОН во Њујорк, амбасадорите на Велика Британија, Франција и други европски земји предупредија дека израелскиот план носи ризик од „сериозно кршење на меѓународното хуманитарно право“.
Нетанјаху остро ги отфрли тврдењата дека Израел спроведува политика на изгладнување, иако Министерството за здравство на Хамас соопшти дека бројот на жртви од неухранетост достигнал 217, меѓу кои и 100 деца.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.