Пет српски туристи се повредени во експлозија на плинска боца во изнајмена соба во Аспровалта, Грција, во близина на Солун.
Инцидентот се случил попладнево околу 15:00 часот, а според грчките медиуми, еден 41-годишен маж се здобил со потешки изгореници и бил пренесен во болница во Солун.
Останатите туристи имале полесни повреди предизвикани од скршено стакло.
На местото на несреќата брзо интервенирала волонтерската спасувачка служба од Аспровалта, која им пружила прва помош, по што повредените биле хоспитализирани.
Според лекар од болницата „Неа Матидос“, сите се во стабилна состојба и се пуштени на домашно лекување.
Полицијата ја уапси 86-годишната сопственичка на објектот каде се случила експлозијата, додека се спроведува истрага за утврдување на точната причина за несреќата.
