Рускиот претседател Владимир Путин со пофалби за Илон Маск, споредувајќи го со Сергеј Коровљов, главниот инженер одговорен за советскиот примат во вселенските истражувања во 1950-тите и 1960-тите години, клучен во испраќањето на Јури Гагарин како прв човек во вселената во 1961 година.
- „Таквите луѓе ретко се појавуваат во човечката популација, полни со идеи. Иако денес тоа може да се чини неверојатно, по некое време тие идеи најчесто се остваруваат“, рече Путин.
Ова не е првпат рускиот претседател да го пофали американскиот мултимилијардер. Тој претходно го опиша како „исклучителна личност“.
Маск е еден од главните советници на американскиот претседател Доналд Трамп, и станува сè погласен во критикувањето на Украина, каде од 2022 година се води војна меѓу руските и украинските сили масовно помогнати од Западот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.