Мексиканската претседателка Клаудија Шајнбаум најави дека земјата ќе одговори на воведувањето царини од 25 отсто од САД за стоки кои доаѓаат од Мексико со воведување возвратни царини за стоки од САД, без да наведе детали.
Шајнбаум рече дека во недела ќе биде објавено на кои американски производи Мексико ќе воведе царини, а пред тоа најверојатно в четврток ќе разговара со американскиот претседател Доналд Трамп.
„Нема никаков мотив, ниту причина, ниту оправдување што ја поддржува оваа одлука што ќе влијае на нашиот народ и нашата земја“, рече Шајнбаум.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.