Палестинското исламистичко движење „Хамас“, кое управува со Појасот Газа го избра Халед Машал за привремен лидер, јавуваат арапските медиуми.
Според изворите на порталите Ал-Арабија и Ал-Хадад, лидерите на групата се согласија Машал да биде на чело на Хамас до одржувањето на нови избори.
Машал, кој беше лидер на групата од 1996 до 2017 година и сега живее во Катар, е избран за привремен лидер на движењето по убиството на Исмаил Ханија. Ханија беше убиен во среда во Техеран, а Хамас и Иран најавија одмазда против Израел, кого го обвинуваат за нападот. Лидерот на Хамас беше погребан во петокот во Катар, откако ден претходно во Техеран се одржа погребната церемонија.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.