Руската вакцина против коронавирусот дава заштита околу 92% против Ковид-19, потврдуваат резултатите објавени во престижното медицинско списание Лансет.
Вакцината исто така е безбедна и обезбедува целосна заштита против хоспитализациите и смртниот исход од болеста.
Руската вакцина во западните земји и медиуми беше пречекана со резерви, затоа што нејзината употреба започна пред објавување на конечните податоци од фазата на тестирање.
Но сега научниците потврдуваат дека ефикасноста на руската вакцина е неспорна.
Лансет потврдува и дека нема сериозни реакции поврзани со вакцината во текот на тестирањето, освен ретки слаби реакции.
Во вакцинираната група, нема ниту еден смртен случај ниту пак сериозна болест.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.