Александар Јошески од Прилеп по кого се трагаше неколку дена, синоќа е пронајден мртов, јавија членови на неговото семејство. Јошески исчезна на 21 февруари, а последен пат бил виден кај една автомеханичарска работилница во градот.
Од МВР информираат дека кај нив пријава дека лицето е пронајдено мртво добиле во 20:15 часот. Според нивните информации, телото на сега починатиот било пронајдено кај местото „Тропаш“.
Пријавата дека е исчезнат ја испратила неговата сопруга. Смртта ја констатирал доктор од Итна медицинска помош Прилеп, а увид извршила екипа од ОВР Прилеп, информираат од МВР.
По наредба на јавен обвинител телото на починатиот е дадено на обдукција.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.