Насилство и безредија избувнаа синоќа на улиците во Тирана кога повеќе стотици Албанци се сообраа на протест заради фаталното полициско убиство на едно 25 годишно момче, кое го прекршило полицискиот час воведен заради пандемијата коронавирус.
Демонстрантите, кои ја игнорираа забраната за јавни собири на повеќе од 10 лица, ја каменувале полицијата а употребиле и пиротехнички средства против припадниците на безбедносните сили, потврди министерството за внатрешни работи на Албанија.
Според портпаролот на полицијата, 9 полицајци биле повредени во судирите, како и најмалку двајца демонстранти.
Својот бес демонстрантите го изразија и со палење и уништување на божиќните украси во главниот град на Албанија.
Запалена и урната беше голема божикна елка поставена пред зградата на албанската влада, што еуфорично беше поздравено од толпата.
Полицијата ги повика организаторите на протестите, кои преку социјалните медиуми ги мобилизирале демонстрантите, да запрат со повиците за насилство.
Истовремен, полицијата соопшти и дека еден полицаец бил приведен и против него се води истрага за убиството.