Дизел горивата од ноќеска на полноќ поевтинуваат за еден денар по литар, цената на Еуросупер БС-98 се намалува за половина денар, додека цената на Еуросупер БС-95 останува иста, одлучи денеска Регулаторната комисија за енергетика (РКЕ). Со одлуката се врши намалување на малопродажните цени на нафтените деривати во просек за 0,54 отсто.
Новата малопродажна цена на Еуросупер БС – 95 ќе изнесува 77 денари за литар, Еуросупер БС – 98 ќе се продава за 79 денари, Еуродизел БС (Д-Е V) за 72,5 денара, а Екстра лесното масло за горење (ЕЛ-1) за 72 денара за литар. Со одлуката на РКЕ за 0,281 денари за килограм се зголемува малопродажната цена на мазутот М-1 НС и ќе изнесува 41,517 денари.
Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат намалување кај бензините во просек за 1,355 отсто, кај дизелот за 2,341, а кај екстра лесното масло за 2,138 отсто, додека кај мазутот има зголемување за 0,219 отсто. Курсот на денарот во однос на доларот по кој беа формирани цените со претходната пресметка е повисок за 0,566 отсто.