Од почетокот на ноември бројот на инфекции со новиот коронавирус во САД надмина рекордни три милиони лица, соопшти Си-Ен-Ен, повикувајќи се на податоци од Универзитетот „Џон Хопкинс“.
Според универзитетот, само овој месец во САД се потврдени 3.002.082 нови случаи на инфекција со коронавирус. Ова е највисока месечна стапка од март досега. Претходниот врв беше регистриран во јули – 1.921.461 случаи. Во август, септември и октомври со коронаворус беа заразени по повеќе од еден милион Американци.
Во САД досега се регистрирани вкупно над 12,16 милиони случаи на инфекции, посочува Универзитетот од Балтимор, а умрени се 256.347 лица. САД се рангирани на прво место во светот според двата индикатори.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.